Ərdoğan Ruhani ilə telfonda DANIŞDI

Türkiyə prezidenti Rəcəb Tayyib Ərdoğan İran İslam Respublikasının prezidenti Həsən Ruhaniyə zəng edib.

"Qarabaginfo" "Unikal.org"-a istinadən verdiyi məlumata görə, telefon danışığında Ərdoğan ölkəsinin İranda ictimai sabitliyin qorunub saxlanmasına önəm verdiyini deyib.

Türkiyə prezidenti əlavə edib ki, həmkarının "xalq etiraz aksiyaları keçirmək hüququndan istifadə edərkən qanunları pozmamalıdır” açıqlamasını təqdir edir.

Həsən Ruhani dekabrın 28-dən davam edən etiraz aksiyalarının bir neçə günə başa çatacağına ümid etdiyini diqqətə çatdırıb.

Xatırladaq ki, iğtişaşlar  Tehran, Kermanşah, Senendeç, Zencan, Şiraz, Qum, Ahvaz, Zahidan, Erak, Hurrem Abad kimi şəhərlərdə baş verib. İndiyənədək 23 nəfər həyatını itirib, 1000-dən çox adam saxlanılıb.