Akardan Bakıya mesaj: Böyük səylə çalşırıq

Türkiyə ordusu BMT, NATO, ATƏT və ikitərəfli razılaşmalar çərçivəsində Azərbaycan, Liviya, Kosova, Əfqanıstan, Bosniya və Herseqovina, Qətər, Somali, Sudan və bir çox yerdə sülhə töhfə vermək üçün böyük səylə çalışır.

Qarabaginfo.az xəbər verir ki, bunu Türkiyə müdafiə naziri Hulusi Akar Sarıqamış şəhidlərini anma günü ilə bağlı verdiyi mesajda deyib.

“Sarıqamış şəhidlərini yad etdiyimiz bir gündə “bir millət, iki dövlət” ifadəsinin xüsusi örnəyini sərgiləyən qardaş Azərbaycan xalqının Nargin adasında məcburi saxlanılan mehmetçiklərimizə etdiyi yardımları da şükranla anırıq. Türkiyə də can qardaşlarımızın haqlı davalarında sonadək yanındadır. Azərbaycanlı qardaşlarımızla həm kədərdə, həm də sevincdə bərabərik”, - nazir deyib.