DataLife Engine > Yazdırılabilir versiyon > Duma il boyu hərbi xidmətə çağırış haqda qanun layihəsini yekun oxunuşda qəbul edib

Rusiya Dövlət Duması hərbi xidmətə il boyu çağırış haqqında qanun layihəsini üçüncü, yekun oxunuşda qəbul edib.

Qarabaginfo.az xəbər verir ki, qanun layihəsinə bu gün Dumanın keçirilən plenar iclasında baxılıb.

Parlamentin aşağı palatası təqvim ili ərzində - yanvarın 1-dən dekabrın 31-dək hərbi xidmətə çağırış haqqında qanun layihəsini üçüncü, yekun oxunuşda qəbul edib.

Qanuna əsasən, il ərzində tibbi müayinələr və çağırış kollegiyasının iclasları keçiriləcək, vətəndaşlar müəyyən edilmiş müddətlərdə xidmətə göndəriləcək.

Qeyd edək ki, indiyə qədər Rusiyada hərbi çağırış ildə iki dəfə, yaz (aprelin 1-dən iyulun 15-dək) və payız (oktyabrın 1-dən dekabrın 31-dək) çağırışı olub.