Birinci Qarabağ müharibəsində itkin düşən Lətif Şahüseynovun qalıqları Sumqayıtda dəfn olunub - FOTO
28-10-2025, 12:52. Yazar: Admin
Birinci Qarabağ müharibəsində itkin düşən şəhid Şahüseynov Lətif Qəribalı oğlunun nəşinin qalıqları ailəsinə təhvil verilib.
Qarabaginfo.az xəbər verir ki, bu gün Sumqayıt şəhəri 42-ci məhəllədə şəhidin ailəsnion yaşadığı ünvanda vida mərasimi keçirilib.
Vida mərasimindən sonra şəhidin nəşinin qalıqları Sumqayıt Şəhidlər xiyabanında torpağa tapşırılıb.
Qeyd edək ki, Lətif Şahüseynov 1969-cu ildə Sumqayıt şəhərində anadan olub.
29 nömrəli orta məktəbin 8-ci sinfini bitirdikdən sonra 41 nömrəli peşə məktəbində təhsilini davam etdirib.
1987-ci ildə Rusiyanın Volqoqrad şəhərində hərbi xidmətə çağırılıb. Xidmətini başa vurduqdan sonra vətənə dönüb. 1992-ci ilin iyun ayında Milli Ordu sıraların qoşulub.
Elə həmin Xocavənd istiqamətində gedən döyüşlərdə itkin düşüb.
Məlum olub ki, Lətif Şahüseynovun nəşi Zaqatala rayonunun Dağlı kənd qəbiristanlığında naməlum əsgər kimi dəfn olunub.
Geri dön