Qazaxıstanda naməlum PUA partlayıb, hava məkanına nəzarət gücləndirilir

Müdafiə Nazirliyi Qərbi Qazaxıstan vilayətinin Burlinski rayonunda naməlum PUA-nın partladığını təsdiqləyib.

Qarabaginfo.az “Tengrinews”a istinadən xəbər verir ki, PUA-nın qalıqları ucqar ərazidə, əhalinin yaşadığı ərazidən kənarda aşkarlanıb.

Tələfat və maddi ziyan qeydə alınmayıb, hava məkanına nəzarət gücləndirilir.

PUA-nın potensial sahibi ola biləcək xarici tərəfdaşlarla məsləhətləşmələrin aparıldığı bildirilir.