Rusiyanın Çelyabinsk vilayətində partlayış nəticəsində ölənlərin sayı 9-a çatıb -

Rusiyanın Çelyabinsk vilayətinin Kopeysk şəhərində yerləşən müəssisədə baş verən partlayışda həlak olanların sayı doqquza çatıb.

Qarabaginfo.az xəbər verir ki, bu barədə vilayətin qubernatoru Aleksey Teksler özünün Telegram kanalında məlumat yayıb.
“Hazırda doqquz nəfərin həlak olması təsdiqlənib. Beş nəfər xəsarət alıb, həkimlər onların vəziyyətini stabilləşdirmək üçün əlindən gələni edir. İtkin düşənlərlə bağlı məlumatlar dəqiqləşdirilir,” – deyə Teksler bildirib.