Lavrov: Qəzzaya görə təxirə salınan Rusiya–Ərəb sammiti mütləq baş tutacaq
Bu gün, 13:15. Yazar: Admin
Qəzzada nizamlanmaya görə təxirə salınan Rusiya-Ərəb sammiti mütləq baş tutacaq.
Qarabaginfo.az xəbər verir ki, bunu Rusiya xarici işlər naziri Sergey Lavrov bildirib.
Onun sözlərinə görə, Rusiya Yaxın Şərq sülh prosesində istənilən formatda iştirak etməyə hazırdır.
Rusiyanın Şarm əl-Şeyx sammitində niyə təmsil olunmaması ilə bağlı sualı cavablandıran Lavrov qeyd edib ki, Misir dəvətnamələri ABŞ-la razılaşdıraraq göndərib.
XİN başçısı vurğulayıb ki, əgər Rusiya Yaxın Şərq sülh prosesində iştirak etməyə dəvət olunsa, Moskva bundan imtina etməyəcək, lakin öz xidmətlərini də təklif etməyəcək.
Sergey Lavrov deyib ki, Donald Trampın Qəzza planı "masa üstündə" olan ən yaxşısıdır. Bununla belə, Rusiya xarici siyasət idarəsinin rəhbəri bunun Fələstin problemini həll etmədiyini vurğulayıb.
Bununla belə, o, Rusiyanın Qəzza münaqişəsinin həlli ilə bağlı Şarm əl-Şeyx sammitinin uğurlu olacağına ürəkdən ümid etdiyini də söyləyib.
Geri dön