Gələn il İşsizlikdən Sığorta Fondunun gəlir və xərcləri 4,3 faiz artırılacaq

Azərbaycanın 2021-ci il dövlət büdcəsində İşsizlikdən Sığorta Fondunun gəlir və xərcləri bərabər olaraq 157 milyon 769 min 146 manat olacaq.

Qarabaqinfo.az-ın məlumatına görə, bu, Milli Məclisin bu gün keçirilən iclasında üçüncü oxunuşda müzakirə edilən “İşsizlikdən sığorta fondunun 2021-ci il büdcəsi haqqında” qanun layihəsində əksini tapıb.

Bu da cari ilin proqnozu ilə müqayisədə 6,6 milyon manat və ya 4,3 faiz çoxdur.

Qanun layihəsi üçüncü oxunuşda səsə qoyularaq qəbul edilib.