AİB: Su ehtiyatları ilə bağlı Azərbaycan kimi ölkələrdə konkret nəticələr göstərməliyik
1-10-2025, 12:54. Yazar: Admin
Asiya İnkişaf Bankı dövlət sektoru üzrə biz bir neçə maliyyələşdirmə alətindən istifadə edir.
Qarabaginfo.az xəbər verir ki, bunu "Bakı İqlim Fəaliyyəti Həftəsi"nin (BCAW2025) üçüncü günündə panel müzakirəsi zamanı Asiya İnkişaf Bankının (AİB) Azərbaycan üzrə direktoru Sunniya Durrani-Jamal deyib.
O qeyd edib ki, bunlardan biri siyasət əsaslı kreditlərdir:
“Məsələn, hökumətlərin analiz və ya siyasət dəyişikliklərinə ehtiyacı olduğu hallarda biz bu alət vasitəsilə onlara dəstək veririk. Bu üsuldan Banqladeş, Hindistan və bir çox başqa ölkələrdə istifadə etmişik. Digər bir alət isə sektor əsaslı kreditlərdir. Burada həm siyasət komponenti, həm də investisiya komponenti birləşdirilir. Bundan əlavə, bizdə nəticə əsaslı maliyyələşdirmə də var. Məsələn, suvarma sahəsində hökumət bizə müraciət etdikdə, biz maliyyəni yalnız müəyyən nəticə indikatorlarına görə ayırırıq. Bu göstəricilər su istehlakının azaldılması kimi məsələləri əhatə edə bilər. Bu, dəqiq məlumatların toplanmasını çox vacib edir. Təbii ki, ənənəvi kreditlər də mövcuddur.
O, AİB-in birgə maliyyələşdirməni də önəmli hesab etdiyini vurğulayıb:
“Məsələn, biz bir dollar vəsait qoyuruq və bunun üzərinə qlobal etimad fondlarından (trust funds) vəsait cəlb etməyə çalışırıq. Su ehtiyatları və buzlaqların əriməsi ilə bağlı bizim “Glaciers to Farm” adlı bir proqramımız var. Burada Qlobal İqlim Fondu və digər beynəlxalq qurumlarla əməkdaşlıq edərək, Azərbaycan kimi ölkələrdə konkret nəticələr göstərmək, sonra isə əlavə donor vəsaitləri cəlb etmək planlaşdırılır. Bu prosesdə dövlət qurumları, Kənd Təsərrüfatı Nazirliyi və digər müvafiq qurumlarla əməkdaşlıq vacibdir. Burada məlumat mübadiləsi əsas amillərdən biridir”.
Geri dön