Zelenski ona ev və vətəndaşlıq verməyə hazırdır
Bu gün, 09:43. Yazar: Admin
“Rusiyanı atəşkəsə məcbur edə bilərsə, ABŞ liderinin xüsusi elçisi Kit Kelloqa mənzil və vətəndaşlıq verməyə hazıram”.
Qarabaginfo.az xəbər verir ki, bunu Ukrayna Prezidenti Volodimir Zelenski bildirib.
“Mən general Kelloqa vətəndaşlıq verməyə hazıram. Rusiyanı atəşkəsə məcbur etmək üçün lazım olan hər şeyi, hətta mənzil də verərəm”, - dövlət başçısı deyib.
Daha sonra Zelenski Trampın xüsusi elçisini “Patriot”larla müqayisə edib:
“ABŞ Prezidenti Donald Trampın xüsusi elçisi Kit Kelloq, Kiyevin silahlanmasında olan “Patriot” sistemlərindən daha güclü hava hücumundan müdafiə (HHM) sistemidir. Həqiqətən, əvvəllər bunu bilmirdik, amma məlum olub ki, ABŞ-də “Patriot”dən heç də geri qalmayan başqa bir HHM var.
Siz hər dəfə burada olduqda, insanlar bu barədə danışırlar. Siz Kiyevdə olduğunuz zaman, kiyevlilər rahat yata bilirlər”.
Zelenski Kelloqdan zarafatla ölkənin qalan hissələrini gəzməsini də xahiş edib.
Geri dön