DataLife Engine > Yazdırılabilir versiyon > Rəsmi Moskva: Aİ rusiyalı diplomatların hərəkətini məhdudlaşdırmaq qərarına gələrsə, Rusiya adekvat cavab verəcək

Avropa İttifaqı rusiyalı diplomatların hərəkətini məhdudlaşdırmaq qərarına gələrsə, Rusiya qaçılmaz olaraq adekvat cavab verəcək.

Qarabaginfo.az xəbər verir ki, bunu RİA Novosti-yə Rusiya Xarici İşlər Nazirliyinin Avropa problemləri departamentinin direktoru Vladislav Maslennikov deyib.

Onun sözlərinə görə, rəsmi Moskva bu süjeti diqqətlə izləyir. "Rusiya diplomatlarının hərəkət azadlığının məhdudlaşdırılması təhlükəsini açıq qarşıdurma addımı hesab edirik", - Maslennikov bildirib.

Qeyd edək ki, “Politico” Çexiya XİN başçısına istinadən 19-cu sanksiyalar paketi çərçivəsində Avropa İttifaqının rusiyalı diplomatların Şengen zonasında sərbəst hərəkətini qadağan edə biləcəyi məlumatını yayıb.