Rusiyanın Ukraynaya kütləvi zərbələri nəticəsində ölən və yaralananlar var
Dünən, 09:13. Yazar: Admin
Rusiya Ukraynaya növbəti kütləvi hücumunu həyata keçirib.
Qarabaginfo.az xəbər verir ki, bu barədə "Unian" məlumat yayıb.
Məlumata görə, hücum zamanı taktiki PUA-lar və raketlərdən istifadə olunub.
Zərbə endirilən şəhərlər arasında Kiyev, Odessa, Zaporoje, Xarkov, Kremençuk, Krivoy Roq var.
Dnepropetrovsk hərbi administrasiyasının rəhbəri Sergey Lısak bildirib ki, Krivoy Roqda xəsarət alan üç kişidən biri ağır vəziyyətdədir.
“Nikopol bölgəsində terror axşam saatlarından davam edib. Rayon mərkəzləri, Pokrovska, Marqanets və Mirovsk icmalarında güclü partlayışlar eşidilib. Nəticədə 54 yaşlı kişi ölüb, daha bir 64 yaşlı yerli sakin xəsarət alıb”, – Lısak qeyd edib.
Kiyev şəhər hərbi administrasiyasının rəhbəri Timur Tkaçenko isə xəsarət alanların sayının artıq 15-ə çatdığını açıqlayıb.
Monitorinq kanallarının məlumatına görə, bu gün rekord sayda, təxminən 700 ədəd “Geran-2” PUA-larından istifadə olunması ehtimal edilir.
Kiyevdə 4 ədəd 9M728 “İskəndər-K” qanadlı raketlə zərbə endirilib, hadisə yerində güclü yanğın olub. PUA-nın düşməsi nəticəsində Hökumət binasında yanğın baş verib.
Krıvoy Roqda “Geran-2” PUA-ları və “İskəndər” raketləri ilə kütləvi hücum baş verib. Şəhərdə elektrik enerjisində kəsintilər baş verib. Daha sonra 8 “İskəndər” raketi ilə yenidən zərbə endirilib.
Kremençukda Dnepr üzərindəki körpüyə təxminən 20 zərbə, həmçinin Svetlovodsk su anbarı bölgəsinə zərbələr qeydə alınıb.
Odessada PUA-lar strateji obyektləri, o cümlədən limanı vurub. Monitorinq kanalları “Şkolnıy” hava limanında partlayışlar barədə xəbər verib.
Zaporojyedə Abrasiv kombinatın yaxınlığında bir neçə partlayış olub, kimya sənayesi müəssisəsi zərbə ilə üzləşib.
Dnepropetrovsk və ətrafı, Xarkov, Kiyev bölgəsində partlayışlar eşidilib.
Geri dön