DataLife Engine > Yazdırılabilir versiyon > “Fitch”: Azərbaycan və Ermənistan arasında sülh çərçivə sazişi müsbət addımdır

Azərbaycan (BBB-/Sabit) və Ermənistan (BB-/Sabit) arasında imzalanmış sülh çərçivə sazişi hərtərəfli razılaşmaya doğru müsbət addım hesab olunur və hərbi toqquşmaların yenidən başvermə riskini azaldır.

Qarabaginfo.az xəbər verir ki, bu barədə “Fitch Ratings” Beynəlxalq Agentliyi məlumat yayıb.

Agentliyin açıqlamasına görə, razılaşma tərəflərin sovet dövrü sərhədlərini qəbul etməsini, silah gücündən istifadədən imtinanı və Azərbaycanın Naxçıvanla Ermənistan ərazisindən “maneəsiz əlaqə” əldə etməsini nəzərdə tutur.

“Fitch” həmçinin qeyd edir ki, sazişin imzalanması qısamüddətli dövrdə ölkələrin reytinqlərinə təsir etməyəcək. Lakin orta müddətdə ticarətin genişlənməsi və iqtisadi artım üçün müsbət imkanlar yarada bilər.