DataLife Engine > Yazdırılabilir versiyon > Tramp: Bir-iki həftə ərzində Ukrayna münaqişəsinin danışıqlar yolu ilə həllinin mümkün olub-olmadığı bəlli olacaq

ABŞ Prezidenti Donald Tramp bildirib ki, yaxın bir-iki həftə ərzində Ukrayna münaqişəsinin danışıqlar yolu ilə həllinin mümkün olub-olmadığı bəlli olacaq.
Qarabaginfo.az xəbər verir ki, o, bu fikri Ağ Evdə Avropa ölkələrinin liderləri və Ukrayna Prezidenti Volodimir Zelenski ilə keçirilən görüşdə səsləndirib.

Tramp həmçinin Rusiya Prezidenti Vladimir Putin və Zelenskinin iştirakı ilə üçtərəfli görüşün keçiriləcəyinə inandığını vurğulayıb.
ABŞ lideri qeyd edib ki, əsas məsələ belə bir görüşün baş tutub-tutmaması deyil, onun nə vaxt təşkil olunacağıdır.

“Düşünürəm ki, biz bunu təşkil edəndə, yəni "nə vaxt" sualına cavab tapanda, əminəm ki, həqiqətən də müsbət addımların şahidi olacağıq”, – deyə Tramp əlavə edib.