Nazirlik minaya düşən hərbçilərimizlə bağlı məlumat yaydı

Xəbər verdiyimiz kimi, Kəlbəcərdə hərbçilərimiz minaya düşüb və 5 nəfər xəsarət alıb.

Qarabaginfo.az xəbər verir ki, məsələ ilə bağlı MN məlumat yayıb.

“Avqustun 5-i saat 19:05 radələrində Kəlbəcər rayonu ərazisində təminat tapşırığı yerinə yetirərkən hərbi yük avtomobili Ermənistan silahlı qüvvələri tərəfindən basdırılmış minaya düşüb. 

Baş vermiş partlayış nəticəsində xəsarət alan Azərbaycan Ordusunun dörd nəfər hərbi qulluqçusu yaxınlıqdakı tibb müəssisəsinə təxliyə edilib. Onların həyatları üçün təhlükə yoxdur.

Faktla bağlı araşdırma aparılır”, - məlumatda deyilir.