İtaliyada naməlum şəxs təyyarənin mühərrikinə sovrulub

İtaliyanın Milan-Berqamo beynəlxalq hava limanı bağlanıb, bütün reyslər təxirə salınıb.

Qarabaginfo.az “Corriere Della Sera” nəşrinə istinadən xəbər verir ki, buna uçuş-enmə zolağında baş verən bədbəxt hadisə səbəb olub.

Hava limanının ərazisinə hərəkət edən təyyarənin qarşısına çıxan naməlum şəxs hava gəmisinin mühərrikinə sovrulub.

İddialara görə, həmin şəxs baqaj qəbulu sahəsindəki qapılardan birini sındırıb və sonra uçuş-enmə zolağına çıxıb və təyyarə qalxmağa hazırlaşarkən onun yoluna çıxıb. O, hadisə nəticəsində həyatını itirib. Onun niyə belə etməsi və şəxsiyyəti məlum deyil. Bu hadisədən sonra təyyarə idarəetməni itirsə də, pilot vaxtında təyyarəni saxlamağı bacarıb. Təyyarə uçuşa qalxa bilməyib.