DataLife Engine > Yazdırılabilir versiyon > Lavrov Braziliyada Araqçi ilə görüşüb, İrana zərbələri pisləyib

Rusiya xarici işlər naziri Sergey Lavrov BRICS sammiti çərçivəsində Rio-de-Janeyroda iranlı həmkarı Abbas Araqçi ilə görüş zamanı İsrail və ABŞ tərəfindən İran ərazisinə endirilmiş zərbələri qəti şəkildə pisləyib.
Qarabaginfo.az "TASS"a istinadən xəbər verir ki, bu barədə Rusiya Xarici İşlər Nazirliyi məlumat yayıb.

“Rusiya tərəfi İsrail və ABŞ tərəfindən İrana qarşı təxribat xarakterli və beynəlxalq hüququn normalarına zidd zərbələri pislədiyini bir daha təsdiqləyib”, – XİN-in məlumatında deyilir.

Həmçinin vurğulanıb ki, İranın nüvə proqramı ətrafında yaranmış böhranın yalnız siyasi-diplomatik yollarla həll olunması vacibdir.
Moskvanın bu istiqamətdə qarşılıqlı məqbul həll yollarının tapılmasına dəstək verməyə hazır olduğu qeyd olunub.