DataLife Engine > Yazdırılabilir versiyon > İsrail SEPAH-ın kəşfiyyat rəisinin öldürüldüyünü təsdiqləyib

İsrail ordusu İslam İnqilabı Keşikçiləri Korpusunun Kəşfiyyat Təşkilatının (SEPAH) rəisi də daxil olmaqla, dörd İran kəşfiyyatçısının dünən İsrail Hərbi Hava Qüvvələrinin Tehrana endirdiyi zərbə nəticəsində öldürüldüyünü təsdiqləyib.

Qarabaginfo.az xəbər verir ki, bu barədə “The Times of Israel” məlumat yayıb.

İsrail ordusu bildirib ki, qırıcı təyyarələrin endirdiyi zərbə İranın paytaxtında bir neçə İran kəşfiyyat rəsmisinin toplandığı binaya düşüb.
Zərbə nəticəsində IRGC-nin kəşfiyyat rəisi Brig, General Məhəmməd Kazemi, onun müavini Həsən Mühəqiq, İİKK Qüds Qüvvələrinin kəşfiyyat rəisi və onun müavini öldürülüb.

“Bu yüksək vəzifəli məmurlar İrandakı vəziyyətin qiymətləndirilməsinin formalaşdırılmasında və İsrail, Qərb və region ölkələrinə qarşı terror fəaliyyətlərinin planlaşdırılmasında mərkəzi rol oynayıblar”, - İsrail ordusundan bildirilib.