DataLife Engine > Yazdırılabilir versiyon > Polşanın Baş naziri bu gün etimad səsverməsi ilə üzləşəcək

Polşanın Baş naziri Donald Tusk bu gün günortadan sonra parlamentdə etimad səsverməsi ilə üzləşəcək.

Qarabaginfo.az “The Guardian“a istiadən xəbər verir ki, etimad səsverməsini elə Tusk özü çağırıb.

Qeyd edilib ki, Tuskın məqsədi ölkəni idarə etmək üçün aydın siyasi mandat nümayiş etdirmək və 2027-ci il parlament seçkiləri öncəsi siyasi gündəmi yenidən formalaşdırmaqdır.

Xatırladaq ki, Varşava şəhərinin liberal meri və Tuskın Mülki Platforma Partiyasındakı müavini Rafał Trzaskowski gözlənilmədən prezident seçkilərində müxalifətdə olan Hüquq və Ədalət Partiyasının (PiS) dəstəklədiyi sağ populist Karol Navrotskiyə uduzub.

Bugünkü səsverməyə hazırlıq dövrü isə koalisiyada şəxsi və ideoloji qarşıdurmaların və fikir ayrılıqlarının mövcudluğunu üzə çıxarıb. Əsas siyasətçilər hökumətin uğursuzluqları və vədlərin yerinə yetirilməməsinə görə bir-birini açıq şəkildə günahlandırıblar.

2023-cü ilin sonlarında hakimiyyətə gələn hökumət, Hüquq və Ədalət Partiyasının səkkiz illik hakimiyyəti dövründə zəiflədilən demokratik nəzarət və tarazlıqları bərpa etməyi vəd etsə də mühafizəkar president Dudanın veto hüququ bu vədləri gerçəkləşdirməyə imkan verməyib. İndi isə beş illik müddətə seçilmiş Navrotski ilə qarşı-qarşıya qalan hökumət ya onunla əməkdaşlıq etməyi, ya da tam siyasi ifliclə üzləşməyi öyrənməli olacaq.

Kağız üzərində baxıldıqda, liberal koalisiyanın 460 yerlik parlamentdə 242 deputatla aydın çoxluğu var.

Lakin bəzi koalisiya üzvləri baş nazirdən narazı olduqlarını və hökumətin əsas heyətində və prioritetlərində ciddi dəyişikliklər görmək istədiklərini bildiriblər. Digər məlumatlara görə, PiS liderləri bəzi deputatlarla əlaqə saxlayaraq parlamentdə sağçı əksəriyyət yaratmaq üçün alternativ yollar axtarırlar.