Mişustin MDB ölkələrini Avrasiya İqtisadi İttifaqının vahid gömrük tranzit sisteminə qoşulmağa çağırıb

MDB ölkələri artıq Avrasiya İqtisadi İttifaqında fəaliyyət göstərən vahid gömrük tranzit sisteminə qoşula bilər.

Qarabaginfo.az xəbər verir ki, bunu Rusiya Baş naziri Mixail Mişustin Tacikistan paytaxtında keçirilən MDB hökumət başçıları şurasının iclasında bildirib.

Onun sözlərinə görə, sistem bütün birlik dövlətləri üçün açıqdır.

Rusiya hökumətinin sədri qeyd edib ki, vahid gömrük tranzit sistemi biznes xərclərini azaltmağa və transsərhəd daşımaların təhlükəsizlik səviyyəsini yüksəltməyə imkan verir.