Ermənistan Baş nazirinin keçmiş müavini 13 milyon dollarlıq çirkli pulların yuyulmasında təqsirləndirilir
3-06-2025, 17:53. Yazar: Admin
Ermənistan Baş nazirinin keçmiş müavini, müxalifətdəki "Ermənistan" fraksiyasından olan deputat Armen Gevorkyan 5 milyard dram (təqribən 13 milyon ABŞ dolları) məbləğində çirkli pulların yuyulmasında ittiham olunur.
Qarabaginfo.az-ın “Armenia Today”a istinadən xəbərinə görə, bu barədə Ermənistanın Antikorrupsiya Komitəsi məlumat yayıb.
Bildirilib ki, adıçəkilən şəxs 2000-2018-ci illər arasında əldə etdiyi külli miqdarda qanunsuz gəliri leqallaşdırıb. Eyni zamanda, paytaxt İrəvan və ətraf ərazilərdə dəyəri 10 milyon 462 min ABŞ dolları ilə ölçülən 39 daşınmaz əmlak bilavasitə onun və yaxın qohumlarının adına sənədləşdirilib.
Araşdırmalar zamanı keçmiş məmurun adına Çexiya ərazisində 920 min dollar həcmində 10 ədəd obyektin qeydiyyatdan keçirildiyi açıqlanıb.
Qeyd edək ki, Gevorkyan 2008–2014-cü illərdə keçmiş Baş nazir Tiqran Sarkisyanın dövründə hökumətdə təmsil olunub.
Geri dön