Nazir: “Qarabağ Təqaüd Proqramı” üzrə ən azı 350 tələbəyə təqaüd verilməsi nəzərdə tutulur

Xankəndidə keçirilən Qarabağ Təhsil və Tərəfdaşlıq Forumunda təsis olunan “Qarabağ Təqaüd Proqramı” üzrə ən azı 350 tələbəyə təqaüdün verilməsi nəzərdə tutulur.

Qarabaginfo.az xəbər verir ki, bunu elm və təhsil naziri Emin Əmrullayev jurnalistlərə açıqlamasında deyib.

Onun sözlərinə görə, bu rəqəmin artacağı gözlənilir: “Qarabağ Universiteti yalnız bir təhsil müəssisəsi deyil, həm də təşkilatlanma nümunəsidir və özəl sektor bu təşəbbüsün bir parçası olmaq istəyir”.