Ana Sayfa > Karusel / Manşet / Siyasət > Türkiyə Prezidentinin Azərbaycana səfər proqramı açıqlanıb

Türkiyə Prezidentinin Azərbaycana səfər proqramı açıqlanıb


27-05-2025, 17:38. Yazar: Admin

Türkiyə Prezidenti Rəcəb Tayyib Ərdoğan

 

Türkiyə Prezidenti Rəcəb Tayyib Ərdoğan mayın 28-də Azərbaycana səfər edəcək.

Qarabaginfo.az xəbər verir ki, bu barədə Türkiyə Prezidenti Administrasiyasının Kommunikasiya İdarəsinin rəhbəri Fahrettin Altun məlumat yayıb.

O qeyd edib ki, səfər 28 May Müstəqillik Günü çərçivəsində baş tutacaq.

“Bu münasibətlə Azərbaycan Prezidenti cənab İlham Əliyevlə danışıqlar zamanı iki ölkə arasında münasibətlər, eləcə də cari regional və qlobal hadisələrlə bağlı fikir mübadiləsi aparılacağı nəzərdə tutulur”, - deyə o əlavə edib.

Bundan əlavə, Pakistanın Baş naziri Şahbaz Şərifin iştirakı ilə “Türkiyə-Azərbaycan-Pakistan Üçtərəfli Zirvə”sinin 2-ci Toplantısı keçiriləcək.

Ərdoğan səfəri zamanı Laçın Beynəlxalq Hava Limanının açılış mərasimində də iştirak edəcək.


Geri dön