Tramp İsrail səfirliyinin əməkdaşlarının güllələnməsini "antisemitizmə əsaslanan hücum" adlandırıb

ABŞ Prezidenti Donald Tramp Vaşinqtonda Yəhudi Muzeyi yaxınlığında baş verən və nəticədə İsrail səfirliyinin iki əməkdaşının həlak olduğu atışmanı "antisemitizmə əsaslanan hücum" adlandırıb.

Qarabaginfo.az xəbər verir ki, Ağ Ev rəhbəri bu barədə "Truth Social" hesabında paylaşım edərək, həlak olan diplomatların ailələrinə başsağlığı verib.

“Bu dəhşətli qətllər, açıq şəkildə antisemitizmə əsaslanan cinayətlər dərhal dayandırılmalıdır! ABŞ-da nifrətə və radikalizmə yer yoxdur”, – Tramp qeyd edib.