Irozhlas: Çexiya Prezidenti Praqada Zelenskini qəbul edəcək

Çexiya Prezidenti Petr Pavel Ukrayna Prezidenti Vladimir Zelenskini Praqa Qalasında qəbul edəcək.

Qarabaginfo.az xəbər verir ki, bu barədə "Irozhlas" xəbər portalı məlumat yayıb.

Zelenskinin təyyarəsi yerli vaxtla saat 12:00-dan (Bakı vaxtı ilə 13:00) az əvvəl Praqadakı Vatslav Havel adına beynəlxalq hava limanına enib. Portalın məlumatına görə, səfər maksimal təhlükəsizlik tədbirləri altında həyata keçirilir.

Çexiya mediasının verdiyi məlumata əsasən, Zelenskinin məqsədi Ukraynada ən azı bir ay müddətinə atəşkəs elan olunması planına dəstək toplamaqdır.