ABŞ Rusiyanın və Çinin kosmosdakı fəaliyyətinə dair məlumatları müttəfiqləri ilə bölüşüb

ABŞ, Rusiya və Çin tərəfindən kosmosda həyata keçirilən əməliyyatlarla bağlı əldə etdiyi kəşfiyyat məlumatlarını "Beş Göz" alyansına daxil olan müttəfiq ölkələrə təqdim edib.
Qarabaginfo.az xəbər verir ki, bu barədə Britaniyanın "The Times" qəzeti məlumat yayıb.

Nəşrin yazdığına görə, 2025-ci ilin aprel ayına qədər ABŞ-ın orbital hərbi əməliyyatlar üzrə ixtisaslaşmış bölməsi olan Space Delta 9-un fəaliyyəti yalnız yüksək səviyyəli, məxfi məlumatlara çıxışı olan ABŞ rəsmilərinə təqdim olunurdu.

Lakin son həftələrdə ABŞ həmin məlumatları "Beş Göz" alyansına daxil olan ölkələrlə – Avstraliya, Yeni Zelandiya, Böyük Britaniya və Kanada ilə bölüşməyə başlayıb. Məqsəd, kosmosda artan təhlükələr fonunda bu ölkələr arasında əməkdaşlığı gücləndirmək və qarşılıqlı dəstək imkanlarını artırmaqdır.