DataLife Engine > Yazdırılabilir versiyon > Rubio Fransanın XİN başçısı ilə Ukrayna, Qəzza və İran məsələlərini müzakirə edib

ABŞ dövlət katibi Marko Rubio Vaşinqtonda Fransa xarici işlər naziri Jan-Noel Barro ilə görüş keçirib.
Qarabaginfo.az xəbər verir ki, bu barədə ABŞ Dövlət Departamentinin mətbuat katibi Temmi Bryusun yaydığı bəyanatda qeyd olunub.
Bildirilib ki, görüşdə Ukraynadakı müharibə, Qəzza zolağındakı vəziyyət və İranla bağlı məsələlər müzakirə olunub.

“Dövlət katibi Marko Rubio bu gün Fransa xarici işlər naziri Jan-Noel Barro ilə görüşüb. Görüşün əsas məqsədi Ukraynada sülhə doğru irəliləyişin əldə olunması olub. Dövlət katibi aydın şəkildə bildirib ki, Prezident Donald Tramp səylərini Ukraynadakı mənasız qan tökülməsinin dayandırılmasına yönəldib və ABŞ-ın Fransa və digər Avropa tərəfdaşları ilə sıx əməkdaşlıq çərçivəsində dayanıqlı sülhə nail olmağa sadiq olduğunu təsdiqləyib”, - bəyanatda deyilir.