Pezeşkian: Azərbaycan və İran bir-birinə kömək edib, sağlam münasibətlər qurmalıdır
27-04-2025, 21:49. Yazar: Admin
Azərbaycan və İran arasında əlaqələrin inkişaf etdirilməsi vacibdir.
Qarabaginfo.az xəbər verir ki, bunu İran Prezidenti Məsud Pezeşkian AZTV-yə verdiyi müsahibədə bildirib.
"İki qonşu və qardaş bir-biri ilə nə etməlidir? Biz malik olduğumuz bütün potensial və imkanları – iqtisadiyyat, sənaye, elm və digər sahələrdə – qarşılıqlı əlaqələr üçün istifadə edə bilərik. Qonşular olaraq bir-birimizə böyük dəstək verə bilərik," – deyə Pezeşkian bildirib.
O qeyd edib ki, ölkələr arasında sağlam münasibətlərin qurulması üçün əməkdaşlıq genişləndirilməli, universitetlər arasında elmi və mədəni əlaqələr yaradılmalıdır.
"Bu tayla o tay bir-birimizin qohumuyuq. Ona görə də gediş-gəliş üçün yolları açmalı, bir-birimizə kömək etməliyik" – Pezeşkian əlavə edib.
Geri dön