Pentaqon rəhbəri onun yerinə yeni namizəd axtarışına dair xəbərlərə münasibət bildirib
22-04-2025, 10:28. Yazar: Admin
“Pentaqon rəhbərinin yerinə yeni namizədin axtarışı barədə xəbərlər, Rusiya haqqında yalan məlumatları yayımlayan eyni mətbuat orqanları tərəfindən yayılır.”
Qarabaginfo.az xəbər verir ki, bunu ABŞ-ın müdafiə naziri Pit Heqset bildirib.
“Məlumat sızdıran bir neçə nəfər işdən çıxarıldı və birdən-birə, Rusiya haqqında yalan məlumatlar yayan eyni mətbuat orqanlarında bir çox sifarişli məqalələr peyda oldu. Baxın, mətbuat nə edir. Onlar anonim mənbələrdən istifadə edirlər, narazı olan keçmiş işçilərin açıqlamalarını götürürlər, sonra isə insanları qaralamağa və onların nüfuzunu zədələməyə çalışırlar,” — deyə Heqset bildirib.
O, həmçinin qeyd edib ki, bunun onun üçün heç bir əhəmiyyəti yoxdur. Çünki Pentaqondan olan narazı keçmiş işçilərin anonim qaralama bəyanatları artıq əhəmiyyət daşımır.
Geri dön