ABŞ və Somali birgə əməliyyat keçirib, “Əş-Şəbab”ın 12 terrorçusu zərərsizləşdirilib
17-04-2025, 15:13. Yazar: Admin
ABŞ və Somali hərbi hava qüvvələrinin “Əş-Şəbab” qruplaşmasına qarşı keçirilən əməliyyatı nəticəsində 12 terrorçu zərərsizləşdirilib.
Qarabaginfo.az “Reuters“ə istinadən xəbərinə görə, aviazərbələr barədə qərar silahlıların paytaxt Moqadişunun 245 kilometrliyindəki Adan-Yabal şəhərinə hücumundan sonra verilib.
Əməliyyat gecə saatlarında keçirilsə də rəsmi məlumat bu gün açıqlanıb.
Hərbi aktivlik nəticəsində, həmçinin, üsyançılara silah-sursat daşıyan bir ədəd gəmi də sıradan çıxarılıb.
Qeyd edək ki, “Əş-Şəbab” 2007-ci ildən Somalidə hakimiyyəti ələ keçirmək uğrunda mübarizə aparır.
Ölkənin Cənub-Qərbindəki Baydoa şəhərindəki hərbi reyd zamanı isə qruplaşmanın hərbi bazaya hücum etməyi planlaşdıran 35 silahlısı zərərsizləşdirilib.
Geri dön