Mediasiya Şurası şikayətçilərin yarısını barışdıra bilir

Son günlərdə ölkəmizdə Mediasiya Şurasının fəaliyyəti ilə bağlı müzakirələr aparılır. Belə ki, bəziləri mediasiya porsesinin effektiv olmadığını vurğulayır, bəziləri isə sözügedən şuranın səlahiyyətlərinin artmasının boşanmalara təsir edəcəyini düşünür.

Müşahidələr isə onu deməyə əsas verir ki, Mediasiya Şurasına müraciət edən şikayətçilərin yarısı mediatorlar vasitəsi ilə barışıb. 

Qarabaginfo.az xəbər verir ki, son statistikalara görə mediasiya təşkilatlarına ümumilikdə 43 min 639 müraciət daxil olunub. Daxil olan müraciətlərdən 82.18 faizi ailə mübahisələri üzrə qeydiyyata alınıb. Qeyd edək ki, ailə mübahisələri üzrə daxil olan 35 min 863 müraciətin 6 min 297-na əsassız iddiaların və ilkin mediasiya sessiyalarında iştirak etdikdən sonra məhkəməyə müraciət etmək fikrindən imtina edilib və müraciətlər üzrə xitam verilib. 
Mediasiya Şurasının 2023 cü il üzrə barışıq sazişi ilə nəticələnən işlərin ümumi faiz nisbəti isə 51.4% olmuşdur. 

Barışıq sazişlərinin mübahisənin növü üzrə təsnifatında isə ailə mübahisələri üzrə 2 min 472 barışıq sazişi imzalanıb.
Mediasiya təşkilatlarına daxil olunmuş ailə mübahisələri üzrə mediasiya müraciətlərinin 34%‐i nikahın pozulması, 24%‐i alimentin müəyyən edilməsi, 14%‐i zinyət və cehiz əşyalarının qaytarılması, 13%‐i uşağın ölkə xaricinə çıxarılması, 11%‐i uşaqla ünsiyyət tələbi, 4%‐i isə digər məsələlər üzrə olub. 

Onu da qeyd edək ki, Milli Məclisin son iclasında Mediasiya Şurasının funkisyaları artırılıb. 

Təklif olunan dəyişikliyə əsasən, Mediasiya Şurası mediatorların və mediasiya təşkilatlarının təkmilləşdirilməsi fəaliyyətinin və mediasiya xidmətlərinin keyfiyyətinin artırılması məqsədilə tədbirlər görəcək. Qanun layihəsi səsə qoyularaq birinci oxunuşda qəbul olunub.