Kreml: İranın nüvə dosyesi istisnasız dinc yolla həll edilməlidir

Moskva ABŞ-ni narahat edən İranın nüvə proqramı ilə bağlı vəziyyətin sülh yolu ilə həlli üçün potensial görür.

Qarabaginfo.az xəbər verir ki, bunu Rusiya prezidentinin mətbuat katibi Dmitri Peskov bildirib.

Onun sözlərinə görə, İran Rusiyanın müttəfiqidir: "İran müttəfiqimiz, tərəfdaşımız, hərtərəfli, qarşılıqlı faydalı, qarşılıqlı hörmətə əsaslanan əməkdaşlığı inkişaf etdirdiyimiz ölkə olduğundan, Rusiya bunun üçün mümkün olan hər şeyi etməyə hazırdır. Rusiyanın mövqeyi ondan ibarətdir ki, bu problem - İranın nüvə dosyesi istisnasız olaraq dinc, siyasi və diplomatik yollarla həll edilməlidir. Biz bunun üçün potensialın olduğuna inanırıq", - Kremlin sözçüsü vurğulayıb.