ABŞ-da məhkəmə Maskın departamentinin Maliyyə Nazirliyinin sənədlərinə girişini bloklayıb

Elon Maskın rəhbərlik etdiyi Dövlət İdarəçiliyinin Səmərəliliyi Departamentinin Maliyyə Nazirliyinin milyonlarla amerikalının konfidensial şəxsi məlumatlarının, sosial sığorta nömrələrinin və bank hesablarının yer aldığı sənədlərinə girişi bloklanıb.

Qarabaginfo.az xəbər verir ki, Nyu-York Federal Məhkəməsi bu gün səhər belə qərar qəbul edib.

Hakim Pol Enqelmayer 19 demokrat prokurorun məhkəməyə müraciətindən sonra belə ilkin qərar verib.