28 illik işğaldan azad olan Ağdamın görüntüləri

Noyabrın 20-də 28 illik işğaldan azad edilən Ağdam şəhərində bütün mülki obyektlər, yaşayış evləri tamamən dağıdılıb, infrastruktur tama sıradan çıxarılıb.

Qarabaginfo.az xəbər verir ki, APA-nın hazırda ərazidə olan Qarabağ müxbirinin verdiyi məlumata görə, erməni vandallığı buradan da yan keçməyib: “Şəhərdəki bütün tikililər dağıdılıb. Azərbaycan əsgərləri artıq Ağdamın mərkəzindəki məscidi təmizləyiblər”.

Qeyd edək ki, Azərbaycan Ordusu Ağdama noyabrın 20-də daxil olub və Azərbaycan

Bayrağını sancıb. Azərbaycan, Rusiya prezidentləri və Ermənistanın baş nazirinin noyabrın 10-da imzaladığı atəşkəs bəyanatına əsasən, Ağdam rayonu

Azərbaycana təhvil verilib.

Noyabrın 25-də Kəlbəcər, dekabrın 1-də isə Laçın rayonlarının boşaldılması nəzərdə tutulub.