YAP təmsilçiləri Heydər Əliyevin məzarını və Şəhidlər xiyabanını ziyarət ediblər

Yeni Azərbaycan Partiyasının (YAP) təmsilçiləri partiyanın yaranmasının 28-ci ildönümü ilə əlaqədar Fəxri xiyabanda Heydər Əliyevin məzarını və Şəhidlər xiyabanını ziyarət ediblər.

YAP-ın mətbuat xidmətindən Qarabaginfo.az-a verilən məlumata görə, partiyanın nümayəndələri Fəxri xiyabana gedərək müasir müstəqil dövlətimizin memarı və qurucusu, xalqımızın Ümummilli Lideri, Yeni Azərbaycan Partiyasının yaradıcısı  Heydər Əliyevin məzarını ziyarət edib,  önünə əklil və gül dəstələri qoyublar.

Görkəmli oftalmoloq-alim, akademik Zərifə xanım Əliyevanın da xatirəsi anılıb, məzarı üzərinə tər güllər düzülüb.