Zəng edərək həlak olanların ailələrini təhqir etmişdilər - Saxlanıldılar
26-01-2025, 19:08. Yazar: Admin
Türkiyənin Bolu vilayətindəki Kartalkaya xizək kurortunda hoteldə baş verən yanğında həyatını itirən vətəndaşların yaxınlarına zəng edərək çirkin və əxlaqsız sözlər işlədən 3 nəfər saxlanılıb.
Qarabaginfo.az xəbər verir ki, bu haqda “TRT Haber” məlumat yayıb.
Məsələ ilə bağlı Türkiyənin daxili işlər naziri Ali Yerlikaya sosial media hesabında paylaşım edib.
“Millətimizin ağrısını heç kim ələ sala bilməz. Buna cəhd edənlər təkcə xalqımızın vicdanında deyil, qanunlar qarşısında da mühakimə olunacaq”, - nazir qeyd edib.
Xatırladaq ki, yanvarın 21-i baş verən yanğında ümumilikdə 78 nəfər həlak olub.
Geri dön