ABŞ prezidenti Donald Tramp bəyan edib ki, Rusiya prezidenti Vladimir Putin Ukraynada müharibəyə son qoymaq üçün danışıqları rədd edərsə, Rusiyaya qarşı əlavə sanksiyalar tətbiq edə bilər.

Qarabaginfo.az bildirir ki, bu barədə ABŞ mətbuatı məlumat yayıb. Bildirirlir ki, Putin danışıqlar masasına oturmaqdan imtina edərsə, Rusiyaya qarşı əlavə sanksiyalar ola bilər.

ABŞ-ın Ukraynaya silah göndərməyə davam edib-etməyəcəyi ilə bağlı suala Tramp bu məsələni dəyərləndirdiklərini bildirib. “Biz Zelenski ilə görüşürük, Putinlə çox yaxında görüşəcəyik. Ukrayna prezidenti müharibəni sona çatdırmaq üçün sülh razılaşması istədiyini dedi və biz bu istiqmətdə iş aparacağıq” – deyə Tramp bildirib.

Ukraynadakı müharibəni dayandırmaq üçün Çin Dövlət Başçısı Si Cinpinə müdaxilə etməyə çağırdığını ifadə edən Tramp, “O, bununla bağlı çox şey etmədi. Bizim çox gücümüz olduğu kimi, onun da çox gücü var. Mən dedim ki, sən bununla məşğul olmalısan, biz bunu müzakirə etdik” – deyə Tramp qeyd edib.