DataLife Engine > Yazdırılabilir versiyon > Rusiya MN: Ukraynaya qrup şəklində raket zərbəsi Kiyevin "Türk axını"na hücumuna cavab idi

Ukraynanın qaz infrastrukturu obyektlərinə qrup şəklində endirilən raket zərbəsi Kiyevin "ATACMS" və "Storm Shadow" raketləri ilə endirdiyi zərbələrə, həmçinin Kubandakı "Türk axını" ilə qaz kəmərinin kompressor stansiyasına edilən hücuma cavab idi.

Qarabaginfo.az xəbər verir ki, bu barədə Rusiya Müdafiə Nazirliyindən verilən açıqlamada bildirilib.

Qeyd olunub ki, raket zərbəsi ilə Ukraynanın Lvov vilayətinin Strıy şəhərindəki ən böyük yeraltı qaz anbarının yerüstü infrastrukturu vurulub.

Rusiya MN-dən o da bildirilib ki, Rusiya Federasiyası Silahlı Qüvvələri vəziyyəti daim nəzarətdə saxlamağa davam edir və Ukrayna tərəfinin istənilən təxribatı cavabsız qalmayacaq.