DataLife Engine > Yazdırılabilir versiyon > Kobaxidze ABŞ və Britaniyanın sanksiya tətbiq etdiyi DİN rəhbərini özünə müavin təyin edib

Gürcüstanın Baş naziri İrakli Kobaxidze daxili işlər naziri Vaxtanq Qomelaurini özünə müavin təyin edib.

Qarabaginfo.az xəbər verir ki, məlumatı hökumət administrasiyası yayıb.

İrakli Kobaxidze bu gün müvafiq sərəncamı imzalayıb.

Hökumət administrasiyasının məlumatına görə, bu gündən Gürcüstan hökumətinin tərkibində üç baş nazirin müavini olacaq. Baş nazirin birinci müavini səlahiyyətlərini iqtisadiyyat və davamlı inkişaf naziri Levan Davitaşvili həyata keçirir. Baş nazirin digər müavinj isə müdafiə naziri İrakli Çikovanidir.

Qeyd edək ki, ABŞ və Böyük Britaniya Tbilisidə keçirilən aksiyalara polisin müdaxiləsi ilə əlaqədar ötən gün Vaxtanq Qomelauriyə sanksiya tətbiq edib.