Zelenski Makronla Ukraynaya xarici qoşunların yerləşdirilməsi məsələsini müzakirə edib

Ukrayna prezidenti Vladimir Zelenski Fransa prezidenti Emmanuel Makronla Parisin Ukraynada xarici qoşunların yerləşdirilməsi təşəbbüsünü müzakirə edib.

Qarabaginfo.az xəbər verir ki, bu haqda Zelenski görüşdən sonra öz “Telegram” kanalında yazıb.

“Biz prezident Makronun Ukraynada sülh yolunda sabitliyə töhfə verə biləcək qüvvələrin olması ilə bağlı təşəbbüsü üzərində işləməyə davam etdik”, - deyə o bildirib.

Zelenski təkbətək görüşü məhsuldar adlandırıb və Makrona bildirib ki, Ukraynanın hava hücumundan müdafiəsini gücləndirmək əsas vəzifə olaraq qalır.

O, həmçinin Fransada daha bir Ukrayna briqadasına təlim keçmək üçün Makronla razılaşdığını bildirib.