DataLife Engine > Yazdırılabilir versiyon > Ərdoğan: Efiopiya ilə Somali Ankarada danışıqlar nəticəsində iki ölkə arasındakı böhranın həllinə dair razılıq əldə edib

Efiopiya ilə Somali Ankarada keçirilən danışıqlar zamanı iki ölkə arasındakı böhranın həllinə dair razılıq əldə edib.

Qarabaginfo.az xəbər verir ki, bu barədə Rəcəb Tayyib Ərdoğan Ankarada iki ölkə lideri ilə keçirdiyi görüşün nəticələrinə dair açıqlamasında bildirib.

O qeyd edib ki, bu istiqamətdə yeni başlanğıcın addımları Ankarada atıldı:

“Hər iki ölkənin dəyərli töhfələri ilə biz bu gün razılaşdığımız ortaq bəyanat mətnini hazırlamışıq. Bu ortaq bəyanatda keçmişə deyil, gələcəyə diqqət yetirilir və bizim üçün çox vacib olan bu iki dost ölkənin bundan sonra quracağı prinsiplər qeyd olunur. İnanıram ki, bu bəyanat gələcək dövrdə regionda qarşılıqlı hörmət əsasında əməkdaşlıq, iqtisadi inkişaf və tərəqqi üçün möhkəm zəmin yaradacaq”.