Narışkin: ABŞ təşəbbüsü itirir, Ermənistanla Azərbaycan bütün məsələləri müstəqil həll etməyə üstünlük verir

ABŞ bütün cəbhələrdə təşəbbüsü itirir.

Qarabaginfo.az xəbər verir ki, bunu Rusiya Federasiyası Xarici Kəşfiyyat Xidmətinin direktoru Sergey Narışkin “Razvedçik” jurnalına müsahibəsində bildirib.

Onun sözlərinə görə, Vaşinqton postsovet məkanında da uğursuzluğa düçar olmağa başlayıb.

O, Ermənistan və Azərbaycanın bütün məsələləri müstəqil həll etməyə üstünlük verərək, ABŞ və Avropa İttifaqının sülh yolu ilə nizamlanmaya dair tövsiyələrinə həqiqətən qulaq asmadıqlarını söyləyib.