Latviyanın müvəqqəti işlər vəkili Rusiya XİN-ə çağırılıb

Latviyanın Rusiyadakı müvəqqəti işlər vəkili D.Rutka Rusiya Xarici İşlər Nazirliyinə çağırılıb.

Qarabaginfo.az xəbər verir ki, bu barədə Rusiya XİN məlumat yayıb.

Bildirilib ki, bu Baltikyanı dövlətdə rus tarixi-mədəni irsinin növbəti dağıdılması dalğası ilə bağlı latviyalı diplomata kəskin etiraz bildirilib.

Söhbət, xüsusilə, hərbi lider M. Barklay de Tollinin abidəsinin, A.S.Puşkinin xatirə lövhəsinin və A.Kernin büstünün sökülməsindən gedir. D.Rutkaya bildirilib ki, latviyalı rusofobların qeyd olunan bədxah əməlləri qəbuledilməzdir.

Rusiya tərəfi YUNESKO və digər müvafiq beynəlxalq qurumları bu cür vəhşi hərəkətləri pisləməyə çağırıb.