Bakıda leysan sabahadək davam edəcək

Bakıda və Abşeron yarımadasında yağıntılı hava şəraiti davam edir.

Qarabaginfo.az xəbər verir ki, bunu Milli Hidrometeorologiya Xidmətinin Proqnozlar Bürosunun direktoru Gülşad Məmmədova bildirib.

O deyib ki, dekabrın 3-ü saat 13:00-a olan məlumata əsasən hazırda yarımadanın bəzi yerlərində yağıntılar leysan xarakterlidir.

Gülşad Məmmədova, həmçinin bildirib ki, müşahidə olunan leysan xarakterli yağışın fasilələrlə dekabrın 4-ü səhərədək davam edəcəyi gözlənilir.