Ermənistan KTMT-nin Astana sammitində iştirak etməyəcək

Ermənistan Kollektiv Təhlükəsizlik Müqaviləsi Təşkilatının (KTMT) noyabrın 28-də Astanada keçiriləcək sammitində iştirak etməyəcək.

Qarabaginfo.az xəbər verir ki, bunu Rusiyanın təşkilatdakı daimi nümayəndəsi Viktor Vasilyev bildirib.

Onun sözlərinə görə, KTMT sammitində iştirak etməyəcək İrəvan planlaşdırılan sənədlərin qəbul edilməsinə etiraz etmir.

Qeyd edək ki, KTMT-nin sammiti noyabrın 28-də Astanada keçiriləcək. Sammitdə regional və beynəlxalq təhlükəsizlik məsələləri müzakirə olunacaq, bir sıra sənədlər qəbul ediləcək.