ABŞ-da axtarış-xilasetmə əməliyyatında təyyarə qəzaya uğrayıb, 2 nəfər ölüb

ABŞ-da təyyarə qəzaya uğrayıb.

Qarabaginfo.az xəbər verir ki, Kolorado ştatında “Cessna 182” tipli təyyarənin qəzaya uğraması nəticəsində 2 nəfər ölüb.

Axtarış-xilasetmə uçuşu həyata keçirən təyyarə Boulder şəhərindən 77 km şimalda qəzaya uğrayıb. Təyyarədə mülki hava patrulunun könüllüləri olub. Qəza nəticəsində pilotlardan biri və aerofotoqraf ölüb, ikinci pilot ağır xəsarətlərlə xəstəxanaya çatdırılıb.