Elmin Məmmədov: İqtisadi siyasətimizdə ekoloji davamlılıq prioritetdir

Azərbaycanın iqtisadi siyasətində ekoloji davamlılıq prioritetdir.
Qarabaginfo.az xəbər verir ki, bunu Bakıda COP29 çərçivəsində keçirilən "Beynəlxalq aviasiya və iqlim dəyişikliyi" mövzusunda tədbirdə rəqəmsal inkişaf və nəqliyyat nazirinin müavini Elmin Məmmədov deyib.

O bildirib ki, Qarabağ və Şərqi Zəngəzur rayonlarının işğaldan azad edilməsi yaşıl enerji zonaları üçün yeni imkanlar təqdim edir:

"Azərbaycanı təmiz enerji sahəsində regional liderə çevirən Prezident İlham Əliyev regionun zəngin bərpa olunan enerji resurslarından istifadə etməklə Azərbaycanın işğaldan azad edilmiş ərazilərinin yaşıl enerji zonasına çevrilməsi üçün hərtərəfli baxışı ortaya qoyub. Ölkənin beynəlxalq ekoloji sazişlərdə iştirakı onun davamlı inkişafa sadiqliyini daha da vurğulayır".