Polşa NATO zəmanəti olmadan MiQ-29-ları Ukraynaya vermək istəmir

Polşa vəd etdiyi MiQ-29 qırıcılarını NATO-dan Polşa səmasının qorunması üçün zəmanət almadan Ukraynaya verməyəcək.

Qarabaginfo.az xəbər verir ki, bu barədə ölkə başçısı Anjey Duda Varşavada Alyansın baş katibi Mark Rutte ilə danışıqlardan sonra jurnalistlərə bildirib.

“NATO-dan hava məkanının mühafizəsi ilə bağlı mütləq zəmanətimiz olana qədər biz təyyarələrimizi təhvil verə bilməyəcəyik, çünki burada təhlükəsizliyi təmin etmək üçün onlara ehtiyacımız var”, - Duda mətbuat konfransında deyib.