DataLife Engine > Yazdırılabilir versiyon > İsrail ABŞ-dan 25 ədəd F-15 qırıcısı alacaq

İsrail ABŞ-ın Boeing şirkəti ilə 5,2 milyard dollar dəyərində 25 ədəd qabaqcıl F-15 döyüş təyyarəsinin alınması üçün müqavilə imzalayıb.

Qarabaginfo.az xəbər verir ki, bu haqda İsrailin Müdafiə Nazirliyi açıqlama verib.

Açıqlamada, 5,2 milyard dollarlıq müqavilənin daha əvvəl ABŞ rəhbərliyi və Konqresi tərəfindən təsdiqlənmiş yardım paketinin bir hissəsi olduğu bildirilir.

Yeni alınan F-15 döyüş təyyarələrinin həmçinin İsrailin mövcud silahları ilə inteqrasiya olunmuş qabaqcıl silah sistemləri ilə təchiz ediləcəyi, mənzil və yük daşıma qabiliyyətinin artırılacağı bildirilir.