ABŞ-ın yeni seçilmiş prezidenti Donald Tramp Ağ Evə qayıtdıqdan sonra müharibələrə son qoysa, onun Nobel mükafatına namizədliyi irəli sürülməli olacaq.
Qarabaginfo.az xəbər verir ki, bunu Belarus prezidenti Aleksandr Lukaşenko deyib.
O xatırladıb ki, Tramp seçki kampaniyası zamanı başqa şeylərlə yanaşı, Ukraynadakı münaqişəni həll edəcəyinə söz verib. “Əgər o bunu edərsə, biz Nobel mükafatı üçün petisiya göndərəcəyik”, – Lukaşenko qeyd edib.
Lukaşenko Trampın vədlərinə əməl edəcəyinə ümid etdiyini bildirib.
Lukaşenkonun sözlərinə görə, ABŞ-ın seçilmiş prezidentindən heç də hər şey asılı olmayacaq. Belarus lideri hesab edir ki, Ukraynada hərbi əməliyyatlara son qoymaq üçün ən azı iki münaqişə tərəfinin iştirakı lazımdır: “Tramp Ukraynada müharibəni bitirməyə çalışacaq, lakin bu, birtərəfli proses deyil”.